Ang Pamahalaang Lungsod ng San Pedro, sa pamamagitan ng City Veterinary Office, ay magkakaroon ng Libreng Kapon para sa mga alagang aso at pusa. Ito ay gaganapin sa ika-14 ng Marso 2024, 8:00 AM sa Rosario Covered Court, Brgy. Rosario.
Para makapag-parehistro ng inyong alagang aso at pusa, mangyaring pumunta lamang sa tanggapan ng San Pedro City Veterinary Office sa Basement Level, San Pedro City Hall mula 8:00 AM hanggang 5:00 PM, Lunes hanggang Biyernes. Ito ay limitado lamang at FIRST COME, FIRST SERVE.
Paalala: Isang (1) alagang aso o pusa lamang bawat bahay.
Narito ang mga kailangan gawin bago ang operasyon:
Para sa mga Aso:
• Edad na hindi bababa sa anim (6) na buwan hanggang tatlong (3) taong gulang
• Hindi bababa sa isang (1) kilo ang timbang
• Pag-aayuno o fasting ng 8 oras bago ang operasyon
• Dapat ay malusog at hindi sumasailalim sa kahit anong medikasyon
• Mas mainam kung ang alagang aso ay bakunado na
Para sa mga Pusa:
• Edad na hindi bababa sa anim (6) na buwan hanggang dalawang (2) taong gulang
• Hindi bababa sa isang (1) kilo ang timbang
• Pag-aayuno o fasting ng 8 oras bago ang operasyon
• Dapat ay malusog at hindi sumasailalim sa kahit anong medikasyon
• Mas mainam kung ang alagang pusa ay bakunado na
