TINGNAN | Upang masigurong handa sa oras ng sakuna, namahagi ang City Disaster Risk Reduction and Management Office ng GO BAG para sa mga empleyado ng Pamahalaang Lungsod ng San Pedro noong 16 Enero 2025 (Biyernes). Ang GO BAG ay naglalaman ng mga mahahalagang kagamitan na magagamit sa panahon ng sakuna o emergency.
Ayon sa CDRRMO, ang kahandaan at pagiging alerto sa panahon ng sakuna ay mahalaga para sa kaligtasan. Ang pamamahagi nito ay hindi lamang para sa kaligtasan, kundi para rin maituro at maipaabot sa mga komunidad at pamilya sa Lungsod ng San Pedro ang kahalagahan ng pagiging handa at kumpleto sa gamit.
Magsilbing huwaran at halimbawa para sa ating komunidad—hinihikayat ang lahat na maglaan ng oras upang maghanda ng sariling GO BAG bilang proteksyon para sa pamilya. Sama-sama nating itaguyod ang kaligtasan sa bawat tahanan.
