“Isa sa ating mga pangako ang siguruhing ligtas ang ating mamamayan at laging handa ang ating Pamahalaang Lungsod sa kahit anumang sakuna na dumating sa ating bayan. Kaya naman, nag-procure tayo ng mga additional na sasakyan na makakatulong sa atin upang mapabilis ang pagresponde ng ating rescue and security teams sa lahat ng pagkakataon. Dumating na ang dalawang bagong ambulance ng ating City of San Pedro DRRMO Pick-Up Truck, PNP Ambush Type Mobile, at PNP SWAT Van.
Maraming salamat po sa lahat ng ating tax payers ng Lungsod, dahil kung hindi sa inyo, hindi natin magagawa ang lahat ng ito. Kasama ng ating CDRRMO, PNP, at iba pang ahensya ng ating Lungsod, sisiguruhin namin ang kaligtasan ng bawat mamamayan ng San Pedro!
Sunod naman po natin ang mga kalsada at drainage para mabawasan o tuluyan na natin masolusyunan ang pagbabaha. Hingi na po ako ng paumanhin kung magiging sunod sunod ang rehabilitation at repairs ng ating mga kalsada. Ito naman po ay sa ikagiginhawa ng ating mga kababayan sa hinaharap.
“
