VIOLENCE AGAINST WOMEN AND CHILDREN (VAWC) CONSULTATIVE MEETING, ISINAGAWA

 

Upang mas mabantayan ang karapatan ng mga kababaihan at ng pagkakapantay-pantay ng kasarian sa buong San Pedro, nagsagawa ang pamahalaang lungsod ng Consultative Meeting na dinaluhan ng 220 barangay officials kabilang ang mga kapitan, kagawad, brgy tanod, at VAWC (Violence Against Women and Children) desk officers noong Nobyembre 29, 2017 sa Sanguniang Panlungsod Session Hall.
Ibinahagi nila DILG Officer Jennifer Quirante at Investigator SPO1 Lorelei Autencio ang mga mahalagang kaalaman na makatutulong upang maunawaan ng mga nanunungkulan sa barangay ang isyu at matugunan nila ang suliranin sa VAW sa kanilang pamayanan at sila ay maging tagapagtaguyod ng karapatan ng kababaihan at kabataan. Pinaalalahanan naman nina Police Inspector Luis D. Perez at ABC President Romeo Marcelo ang mga opisyal ng mga barangay na magbantay, maging mapagmasid at magkusa na mag-ulat ng mga insidente ng VAW upang maihinto na ang mga ganitong uri ng pang-aabuso.