PAGTALAKAY SA REVISED GUIDELINES NG MASA-MASID ISINAGAWA

 

Tinalakay nila DILG Officer Jennifer Quirante at Community Facilitator Lorevel Velasco ang mga mahahalagang kaalaman at responsibilidad na gagampanan ng 205 na dumalong Barangay Officials mula sa 20 barangay ng San Pedro kabilang ang mga kapitan at kagawad sa isinagawang Orientation on the revised Guidelines of MASA MASID o Mamamayanang Ayaw Sa Anomalya, Mamamayang Ayaw Sa Iligal ng Droga sa Pavillion Hall noong Nobyembre 10, 2017.
Isinusulong ng MASA MASID ang paglahok ng komunidad para maka-ambag sa pagtugon sa mga problema sa korapsyon, iligal na droga, kriminalidad at iba pang banta sa kapayapaan at kaayusan. Ito ay sumusunod sa multi-sectoral at mass based na pamamaraan para mapalakas ang bolunterismo para mapuksa ang mga panganib sa lipunan. Layunin nito na makapag bigay ng tugon sa adbokasiya at education campaign ng komunidad at magkaroon ng mabisang pag-uulat sa illegal na gawain sa buong barangay na sinuportahan ni City Mayor Lourdes Cataquiz.